Musha Dariya

BARKA DA ZUWA

DAKIN BARKWANCI

BARKWANCI NA NUFIN BA'A KO WASA A TSAKANIN WASU KABILU KO RUKUNIN AL-UMMA MASU ALAKA TA AL-ADA KO ZAMANTAKEWA DON TUNZURA JUNA BA TARE DA SAMUN SABANI A TSAKANINSU BA.

KALMOMI DA DA ZASU IYA DAUKAR MA'ANAR BARKWANCI SUN KUNSHI,WASA,NISHADI,ZOLAYA,RAHA DA SAURANSU.

SAURAYI DA BUDURWA

Wani Bakatsine ya je hira wajen budurwarsa, bayan sun gama zai tafi sai ya sa hannu a aljihu ya dauko kudi ya ba ta. Sai budurwar ta ce ba za ta karba ba. Shi kuma ya ce:“To tun da ba ki so, ni ma ba na so.” Sai ya yi watsi da kudin a nan, kowa ya kama gabansa. To ashe ita wannan budurwa ba tafiya ta yi ba, ta dan labe ne a wani waje a gidan, da niyyar idan saurayin ya tafi ta zo ta kwashe kudin. Haka shi ma Bakatsine bai tafi ba, ya dan labe a kofar gidan da niyyar idan yarinyar ta shiga gidan ya zo ya kwashe kudinsa. To dama a cikin soro suke zancen kuma an dauke wuta, can sai saurayin da budurwar suka dawo cikin soron, suka fara laluben kudin ba tare da kowannensu ya ga dan uwansa ba. Can sai aka kawo wuta, nan take sai Bakatsine ya wayance ya ce wa budurwar: “Don Allah ba ki ga wayata ba?” Ita ma budurwar ta ce masa: “Ni ma don Allah ba ka ga sarkata ba?

GA LAMBA TA

Wata rana wani bahaushe ya hadu da wata Bayarabiya wai sonta yake yi, Har ya tambaye ta lambar waya, SAI TACE "WRITE :-SERO HATE SERO, SIS HATE SIS, SEFUN SEFUN TO TERE HON (0806867231)" Dariya ya subuce wa gogan naka, DAGA CAN YACE GA LAMBATA "RUBUTA:- TZIRO SABUN TZIRO TIRI SIS PIPE PIPE WAN POR ELABUN (07036551411)" BAYARABIYA TA TINSIRE DA DARIYA!

WUTA MUKA JABA

Wani Bafulatani ne sanyi ta dame shi ,a lokacin an gama kwaza ruwan sama , sai ya hada wuta yana jin dumi, kai ko da wuta ta ratsa gogan nan naka sai ya budi baki ya ce : "HANDE WALLAHI KO A LAHIRA WUTA MUKA JABA"

HANCIN WAYE

Wata mota ce tayi hadari a hanyarta ta tafiya, bayan wa su sun dawo hayyacin su ,sai dayansu ya tsinci hanci a kasa, ya dauka ya fara zagawa yana tambaya "Wa hancinsa ya fadi?" da ya gaji yayi zufa sai ya ja tsaki Mtsssw.Ya sa sa hannu don ya share zufa kawai sai ya ji ba hanci a fuskarsa , sai ya bushe da dariya, daga nan ya fara zagin direba

CARY OVER

WANI MALAMI MAI HANNU DAYA YANA KOYAR DA HARSHEN HAUSA, RANNAN YAYI LECTURE AKAN "KARIN MAGANA" DAGA KARSHE YACE KOWA YA KAWO MISALI DAYA, WATA BUDURWA TA TASHI TACE:- KO BA A GWADA BA HANNU DAYA BAI DAUKAR JINKA (KOWA YAYI DARIYA) MALAMIN YACE AMMA NA BADA CARY OVER AI DAN UBANKI!"

NA SHANYA YA BUSHE

Wasu mahaukata biyu suna zauna a kan sokawe ,can sai karamin ya zurmuke ciki,Babban ya tashi yayi yekuwa a "kawo agaji",kafin a taru gogan naku yayi zuciya ya shiga ya ciro dan'uwansa, kana ya shige dashi cikin gida.
Can anjima ya fito yayi arba da mutane suna jiran tsammani, me ya faru? ina dan'uwanka? Gogan naku yace ha ha ha ya fadi a sokawe yanzu na cire kuma na shanya shi ya bushe, koda aka shiga sai aka iske shi a rataye a jikin fanka na kakarin mutuwa!

KOWA ZAI SAMU

Wani mahaukaci yana gasa mushen kyanwa,sai yara suka taru har da ture-ture ana kallo, gogan naka daya ga sai yace inkunyi hakuri "KOWA ZAI SAMU"